बाढी पीडितका लागि यस्तो सहयोग माग्यो ने.वि. संघले संयुक्त राष्ट्र संघसँग

अर्थ सरोकार सम्बाददाता

काठमाडौँ – नेपालमा पछिल्ला केही दिन देखिको अविरल बर्षाका कारण देशको तराई क्षेत्र डुवानमा परेको छ । हजारौं घरपरिवार विस्थापित हुनुका साथै उनीहरुलाई उचित व्यबस्थापनका लागि ठूलो रकम आवश्यक पर्ने भएको छ । राष्ट संघको युवा सम्मेलनमा सहभागि हुन यति बेला अमेरिकाको न्यूयोर्कमा रहेको प्रतिनिधि मण्डलले राष्ट्र संघलाई सहयोगका लागि आग्रह गरेको हो । नेविसंघका अध्यक्ष नैनसिंह महरले सम्मेलनमा सहयोगका लागि प्रस्ताव गरेका छन् ।

नेपालमा बाढी र पहिरोमा परी ठूलो जनधनको क्षति भएको भन्दै सहयोगका लागि ने.वि. संघले संयुक्त राष्ट्र संघलाई आग्रह गरेको हो । हाम्रो देश भूकम्पको विनाशबाट तंग्रिन नपाउँदै अर्को ठूलो विपत्तिमा परेको छ, यतिबेला सिंगो देश पीडामा छ र जनता राहतको पर्खाईमा रहेको महरले बताएका छन् । अध्यक्ष महरले विश्वको जुनसुकै देशमा रहेपनि आफ्नो देशको पीडाले सबैलाई दुख्ने भन्दै एकजुट भएर बाढीपहिरो पीडितलाई सहयोग गर्न आग्रह गरेका हुन् । सम्पर्क समिति अमेरिकाका अध्यक्ष आनन्द विष्टले एक हप्ता भित्र सहयोग जम्मा गरेर नेपाल पठाइने बताएका छन् ।