- अर्थ सरोकार सम्बाददाता
काठमाडौँ – प्रतिष्पर्धी राम शरण बुढाथोकीलाई पछी पार्दै काठमाडौँ उपत्यका निर्माण व्यवसायी संघको अध्यक्षमा बालकृष्ण थापाले बाजी मारेका छन् । आइतबार भएको निर्वाचनमा उनी निर्वाचित भएका छन् । उनी दावाङ साम्देन निर्माण सेवा प्रालिका संचालक हुन् । संघको आइतबार नयाँ कार्यसमितिको लागि निर्वाचन भएको थियो । थापा अहिले भर्खर सकिएको कार्यकालमा समेत अध्यक्ष थिए ।
यस्तै बरिष्ट उपाध्यक्षमा कृष्ण प्रसाद गौतम (लम्बु) निर्वाचित भएका छन् । यता प्रथम उपाध्यक्षमा कविन्द्र महर्जनले जीत हात पार्दा द्वीतीय उपाध्यक्षमा बासु खड्का ले जीत हात पारेका छन् । यस्तै महासचिवमा शन्त कुरार श्रेष्ठ (सन्तु) ले जीत हात पारेका छन् । यस्तै सचिवमा इश्वर पन्त निर्वाचित भएका छन् । यस्तै कोषाध्यक्षमा तिलक बहादुर लामा, र सह कोषाध्यक्षमा मनोज श्रेष्ठ निर्वाचित भएका छन् ।
आइतबार बेलुकादेखि नै सुरु भएको मतगणनापछी यस्तो नतिजा आएको हो । निर्माण व्यवसायी महासंघको निर्वाचनमा महत्वपूर्ण भूमिका खेल्ने यो निर्वाचनमा थापाले जीतेसँगै माहोल परिवर्तन भएको छ । यो निर्वाचनको परिणामसँगै अव महासंघमा कसले जित्छ भन्ने कुराको अड्कल काट्न थालिएको छ ।
