×

Live on

रेडियो अर्थ सरोकार

Listen to live radio.

सरकारले मिडियालाई ‘कन्ट्रोल’ गर्दैनः प्रधानमन्त्री देउवा

LAXMI SUNRISE BANK
GLOBAL IME BANK
DISH HOME NETWORK

सरकारले मिडियालाई ‘कन्ट्रोल’ गर्दैनः प्रधानमन्त्री देउवा

Artha Sarokar

४ भाद्र २०७४, आईतवार

पढ्न लाग्ने समय: १ मिनेटभन्दा कम

काठमाडौँ – प्रधानमन्त्री शेरबहादुर देउवाले सञ्चारलाई सरकारले नियन्त्रण नगर्ने बताएका छन् ।
आइतबार नेपाल पत्रकार महासंघको २५ औं महाधिवेशनलाई राजधानीमा उद्‍घाटन गर्दै प्रधानमन्त्रीले सञ्चार क्षेत्रका लागि सरकार सहयोगी हुने विश्वास दिलाए । ‘सरकारले विज्ञापनलगायत कुनै पनि विषयमा मिडियालाई कन्ट्रोल गर्दैन,’ उनले भने ।
प्रधानमन्त्रीले नेपालमा धेरै पत्रपत्रिका रहेकाले सञ्चालन गर्न धेरै कठीन रहेको आफूले महसुस गरेको बताए । ‘तपाईंहरुलाई मिडिया चलाउन गाह्रो छ,’ उनले भने ।
लोकतन्त्र र गणतन्त्रका लागि मिडियाकर्मीको योगदान उल्लेख्य रहेको बताउँदै प्रधानमन्त्रीले मिडिया र राजनीतिक दल एक साथ हिड्न जरुरी रहेको बताए । सञ्चारमाध्यमले लोकतन्त्रका लागि सुझाव, चेतावनी र आलोचना गरेर राजनीतिक दललाई सहयोग गर्न सक्ने बताए ।
कार्यक्रममा सञ्चार मन्त्री मोहनबहादुर बस्नेत, नेपाल पत्रकार महासंघका अध्यक्ष महेन्द्र विष्टलगायतले सम्बोधन गरे । महासंघको बन्द सत्र आइतबारदेखि नै सुरु हुने र सोमबार बिहानैदेखि निर्वाचन कार्यक्रम सुरु हुने अध्यक्ष विष्टले जानकारी दिए ।
देशभरका १५ सय प्रतिनिधि सहभागी महाधिवेशनले नयाँ नेतृत्व चयन गर्नेछ । नेतृत्वका लागि पत्रकारहरु तीर्थ कोइराला, गोविन्द आचार्य र उजीर मगर प्रतिस्पर्धामा छन् । – काठमाडौँ टुडे 
CITIZEN LIFE INSURANCE
TESLA AIR CONDITIONER
Hamro Parto AD
KAMANA SEWA BIKAS BANK

प्रतिक्रिया दिनुहोस्

एक्स्क्लुसिभ स्टोरी