">
- अर्थ सरोकार सम्बाददाता
काठमाडौं – तराईको बाढी र पहिरोले जनधनको क्षेती ग्रस्त भएको छ । मध्यान्ह १२ बजेपछि प्रधानमन्त्री अवलोकनका लागि जाने छलफल भएको छ । तराई क्षेत्रलाई मध्ये नजर गरी तराईबासीलाई दुखमा नआत्तिन राहतस्वरूप मौसमको अवस्था हेरेर स्थलगत अवलोकन गर्न प्रधानमन्त्री शेरबहादुर देउवा जाने भएका छन् । प्रधानमन्त्रीसँगै गृहमन्त्री जनार्दन शर्मा पनि प्रधानमन्त्री टोलीमा जानेछन ।
बाढी प्रभावित अन्य जिल्लाहरुमा पनि आजै सरकारी तथा निजी ट्रकहरुमा खाद्यान्न पठाउनका लागि झापा, मकवानपुर, बाँके, चितवन लगायतका जिल्ला प्रशासनले समन्वय गरिरहेको मन्त्रालयले जनाएको छ । सरकारको निर्णय अनुसार बाढी प्रभावित क्षेत्रको नागरिकको तत्कालको राहतका लागि एक करोड ९८ लाख रुपैयाँ रकम निकासा भइसकेको पनि मन्त्रालयले जनाएको छ ।
प्रधानमन्त्री पूर्वी तराईका जिल्ला झापा, मोरङ, सुनसरी र सप्तरी तथा मध्य तराईको जिल्ला दाङमा अवकोलनमा जाने भएका छन् । यस्तै, खाद्यन्न राहत तथा क्षतिको अवस्था बुझ्न सबै मन्त्रीहरु पनि बाढी प्रभावित जिल्ला जाँदैछन् । मन्त्रीको ६ वटा टिम तयार भएको छ । एक टिममा तीन जना मन्त्री सामेल हुने गृह मन्त्रालयले जनाएको हो । राहतका लागि पठाइने खाद्यन्न प्याकिङको काम जिल्ला प्रशासन कार्यालय काठमाडौँले गरिरहेको पनि गृहले जनाएको छ । रौतहटको गौर र गरुडामा राहत सामाग्रीसहित नेपाली सेनाको हेलिकोप्टर आजै पठाउने तयारी मन्त्रालयको छ । मौसममा सुधार नभए प्रधानमन्त्री जाने वा नजाने निश्चित छैन ।
