• अर्थ सरोकार सम्बाददाता 

काठमाडौँ- गुरु प्रसाद न्यौपानेले जनता बैंकमा सञ्चालकको रुपमा रहँदा श्रीमतीका नाममा खरिद गरेको बैंकको सेयर जफत हुने भएको छ । उनले श्रीमती सुमित्रादेवी न्यौपानेको नाममा खरिद गरेको ५२ हजार ४ सय ७० कित्ता सेयर जफत हुने भएको हो ।

५२ हजार ४ सय ७० कित्ता सर्वसाधारण समूहको सेयर खरिद गरेको न्यौपानेबाट बैंकले त्यससेयरवापत भएको हकप्रद र बोनस सेयर समेत जफत गर्नेछ । बैंक तथा वित्तीय संस्था सम्बनन्धि ऐनले सञ्चालक समितिमा रहने सदस्यहरुले पदमा रहेदेखि अवकास भएको एक वर्षसम्म आफ्नो वा आफ्नो परिवारको नाममा त्यही बैंकको सेयर खरिद गर्न नपाउने व्यवस्था छ ।