काठमाडौं – जगदम्बा सिमेन्टले हालै हाम्रो घर भन्ने मोबाइल एप बजारमा ल्याएको छ । जगदम्बा सिमेन्ट उद्योगले दुवै उद्योगबाट विभिन्न व्राण्डहरु उत्पादन गर्दै पूर्व मेची देखि पश्चिम महाकालीसम्म उत्पादन बिक्री वितरण गर्दै आइरहेको छ ।
नेपालमा प्रविधीको प्रयोगका कारण नेपाली जनमानसको जीवनस्तर सहज र समृद्ध बनाउने उदेश्यले कम्पनीले यो एप ल्याएको हो । नेपाली सिमेन्ट उद्योगको इतिहासमा नेपालमै पहिलो पटक निर्माण सम्बन्धी हरेक जिज्ञासाको समाधान गर्ने उदेश्यले जगदम्बा सिमेन्टले एप ल्याएको हो ।
यो एप घर निर्माण सम्बन्धी कार्य गर्ने इन्जिनियर, कन्ट्रयाक्टर, डिलर मेसन लगायत सम्पुर्ण उपभोक्ताहरुका लागि अत्यन्त उपयोगी छ ।
यस एपमा निर्माण सामाग्रीको खोजी, सिमेन्टको गुणस्तर प्यारामिटर, भूकम्प सुरक्षा, जगदम्बा सिमेन्टको प्रोफाइल, रिपोर्टका साथै कहा खरिद गर्नेदेखि युनिट कर्भटर र कम्पास लागयका विशेषता छन् । एप मार्फत् नेपालको पुर्व मेचीदेखि पश्चिम महाकालीसम्मका उपभोक्ताले जगदम्बा सिमेन्टका बिक्री टिमसंग सिधै सम्पर्क गर्न सकिनेछ ।
जगदम्बा योगदान, जगदम्बा प्रयोग विधी, जगदम्बा जागरण, जगदम्बा आरोहण, जगदम्बा विशेष जस्ता उपभोक्ता केन्द्रित कार्यक्रमहरु संचालन गर्दै आइरहेको छ । यो एपको नाम हाम्रो घर मोबाइल एप रहेको छ भने एनरोइड फोनमा रहेने प्ले स्टोरबाट डाउनलोड गर्न सकिन्छ ।
