काठमाडौं – नेपाली कांग्रेसका सभापति शेरबहादुर देउवा नेतृत्वको बर्तमान सरकारका एक मन्त्रीको तस्विर शहिदको सूचीमा राखिएको छ । कक्षा ३ मा पढाइहुने प्राथमिक तहको एक पुस्तकमा वर्तमान कानुन तथा संसदीय मामिलामन्त्री यज्ञबहादुर थापा सहिद भएक छन् । सहिदको सूचि राखिएको पुस्तकमा उनको तस्विर पनि समावेश गरिएको छ ।

विद्यार्थी प्रकाशन प्रालिले प्रकाशन तथा वितरण गरेको ‘मास्टरमाईन्ड जनरल नलेज एन्ड आईक्यु टेस्ट’ नामक सामान्य ज्ञानको पुस्तकमा नेपालका सहिदहरुको तस्विर राखिएको छ । वर्तमान कानुनमन्त्री पुस्तकका अनुसार सहिद भइसकेका छन् । शहिदको सुचीमा क्याप्टेन यज्ञबहादुर थापाको तस्विर हुनुपर्ने थियो । तर प्रकाशकको त्रृटिका कारण बर्तमान मन्त्रीको तस्विर प्रकाशित भएको छ ।

पुस्तकको ११ पृष्ठमा मन्त्री थापाको नाम र तस्विर रहेको छ ।