काठमाण्डौ – दशैंको अवसर पारी बुधबारबाट राजधानीको भृकुटीण्डपमा सुरु हुने स्टक क्लियरेन्स मेलाको तयारी पूरा भएको छ । ‘दशैंको बेला सस्तो मेला’ स्लोगन दिइएको यस मेलालाई इभेन्ट सोलुसनले गर्न लागेको हो । भाद्र २१ गतेदेखि २६ गतेसम्म चल्ने स्टक क्लियरेन्स मेलामा दशैंका लागि आबश्यक सामाग्रीहरुको कारोबार गरिनेछ । मेलामा कपडा, जुत्ता, ह्याण्डीक्राफ्ट, इलेक्ट्रोनिक्स, मोटरसाइकल र होम एफिलियन्सका स्टलहरु रहने छन् । 

६ दिन सम्म चल्ने यो मेलामा काठमाडौं, भक्तपुर, ललितपुर र आसपासबाट उपभोक्ताहरु सामान किन्न आउने अनुमान गरिएको बताइएको छ । मेला अवधिभर ५० हजार उपभोक्ता मेला स्थलमा आउने अनुमान इभेन्ट सोलुसन्सले गरेको छ ।

यद्यपी क्लियरेन्सका नाममा कमसल र गुणस्तरहीन समानसमेत बेच्ने प्रपन्च भएको बुझिएको छ । ‘दशैं भनेको स्टकमा रहेका कमसल समानहरु सिध्याउने बेला पनि हो । यहि बेला मेला नै आयोजना गरिएको छ । सबै समान त्यस्ता हुन्छन् भन्ने होइन । राम्रा समान पनि मेलामा पक्कै हुनेछन् । तर क्लियरेन्सका नाममा कमसल सामान पनि बेचिने हुनाले ख्याल गर्नुपर्छ ।’ एक व्यापारीले अर्थ सरोकार डटकमसँग भने ।