काठमाडौँ – नेकपा एमाले र नेकपा माओवादी केन्द्रबीच पार्टी एकता हुने औपचारिक सहमति भएपछि सत्तारुढ दलबीचको गठबन्धनको अर्थ नभएको भन्दै प्रधानमन्त्री शेर बहादुर देउवाले राजीनामा दिने भएका छन् ।

प्रधानमन्त्री निकट स्रोतले बताए अनुसार पार्टीमा आन्तरिक छलफल गरी शेर बहादुर देउवाले यसै साता राजीनामा दिने भएका हुन् । माओवादी र माओवादी अध्यक्ष प्रचण्डले धोका दिएको निष्कर्ष सहित देशबासीका नाममा केहि दिनमै सम्बोधन गर्दै देउवाले राजीनामा दिने भएका हुन् ।

‘केहि दिनमै प्रधानमन्त्रीको राजीनामा आउनेछ । सत्तारुढ गठबन्धनको दलनै प्रतिपक्षी दलसंग एकतामा जाने भएपछि पदमा बसीरहने ठिक नहुने निष्कर्ष सहित प्रधानमन्त्रीको राजीनामा आउने भएको छ ।’ देउवा निकट स्रोतले भन्यो ।