काठमाडौं – एभरेष्ट बैंकले आफ्नो २३ औँ बार्षिक उत्सवमा संस्थागत सामाजिक उत्तरदायित्व अन्तरगतका विभिन्न कार्यक्रम गरेर मनाएको छ । बैंकले सबै शाखाहरुमा उत्सव मनाएको छ ।

बैंकले सो अवसरमा राजधानीमा रक्तदान कार्यक्रमको आयोजना गर्यो । कार्यक्रममा बैंकका कर्मचारी तथा उपभोक्ता गरी सय जनाले रक्तदान गरेका थिए । बैंकले नर्भिक इन्टरनेसनल हस्पिटलको सहकार्यमा निशुल्क स्वास्थ्य शिविर समेत आयोजना गरेको थियो ।

बैंकले हाल राजश्व संकलन काउन्टर र ९१ एटिएम तथा बृहत बाह्य सन्जाल मार्फत उत्कृष्ट सेवाहरु प्रदान गर्दै आइरहेको छ । बैंकले एसियन पेन्टस् न्यु बिज “बेस्ट म्यानेज्ड कमर्सियल बैंक अवार्ड २०१३” का साथै आ.ब. २०६८/०६९मा “वाणिज्य बैंक मध्येमा सर्वाधिक करदाता” को सम्मान प्राप्त गरेको थियो ।