- अर्थ सरोकार सम्बाददाता
काठमाडौँ- एसीसीएले नेपालको समेत प्रतिनिधि बोलाएर बेलायतमा एक भव्य कन्फेरेन्सको आयोजना गरेको छ । सवल नियमनले आत्मविश्वासलाई प्रसय दिन्छ र लेखा व्यवसायलाई पनि त्यसले फाइदा पुर्याउँछ भन्ने मुख्य विषय रहेको उक्त कन्फेरेन्समा नेपालको समेत प्रतिनिधित्व भएको हो । नेपालका तर्फबाट महालेखा परीक्षक उक्त कार्यक्रममा सहभागी भएका थिए ।
विभिन्न देशका उच्च पदस्त अधिकारीहरु सम्मिलित उक्त कार्यक्रममा नेपालका महालेखापरीक्षक टंकमणि शर्माले आफ्ना भनाइहरु समेत राखेका थिए । कार्यक्रममा बोल्दै उनले नेपालमा एसीसीएको भूमिकाका प्रति प्रशंसा पनि गरेका थिए । उनले कन्फेरेन्समा बोल्दै नेपालमा एसीसीएको अझै बलियो सहभागीता भए त्यसले नपालको समग्र व्यवसायलाई नै फाइदा पुग्ने बताए ।
कार्यक्रममा सवल नियमनको आवश्यकता र महत्वबारे विभिन्न देशबाट आएका उच्च पदस्त अधिकारीहरुले प्रकाश पारेका थिए । कार्यक्रममा विभिन्न देशको लेखा व्यवसायका समस्या र समाधानका उपायहरु बारेसमेत चर्चा गरिएको थियो । उक्त कार्यक्रममा उपस्थित विभिन्न देशका उच्च पदस्त अधिकारीहरुले लेखा व्यवसाय र समग्र व्यवसायको व्यवस्थापनका लागि एसीसीएले खेलेको भूमिका निकै महत्वपूर्ण भएको समेत बताएका थिए।
एसीसीएको निमन्त्रणामा महालेखा परीक्षक शर्मा बेलायत पुगेका थिए । एसीसीए विश्वका १८० भन्दा बढी देशहरुमा आफ्नो सम्मानजनक उपस्थिति देखाएको प्रोफेसनल संस्था हो ।
