">
सिन्धुली – सिन्धुलीको फिक्कल गाउँपालिका ४ को तर्केनीवशीमा बोलेरो जिप दुर्घटना हुँदा ४ जनाको ज्यान गएको छ । आइतबार राति बा ७ च ३६९५ बोलेरो जीप दुर्घटना भएको प्रहरीले जनाएको छ ।
मृत्यु हुनेमा पिक्कल ४ का ४० वर्षीय अमरबहादुर दर्लामी, अन्दाजी सोही उमेरका रामप्रसाद बराल, ५९ वर्षीय दिलबहादुर र ६० वर्षीय नरबहादुर बलमपाखी रहेको प्रहरीले जनाएको छ । त्यस्तै दुर्घटनामा गम्भीर घाइते भएका ४१ वर्षीय धनबहादुर मगरको ललिपुरस्थित विएण्डबी अस्पतालमा उपचार भइरहेको छ ।
सामान्य घाइते ६ जनाको गोलन्जोर गाउपालिका खुर्कोट अस्पतालमा उपचार भइरहेको छ । चालक यज्ञबहादुर रानामगरलाई भने प्रहरीले नियन्त्रणमा लिएको छ ।
