पहिलो चरणको निर्वाचनअन्तर्गत मतदान भइरहँदा सिन्धुपाल्चोकमा गोली चलेको छ ।
आइतबार दिउँसो बलेफीस्थित कालिका प्राथमिक विद्यालयको मतदान केन्द्रमा दुई पक्षबीच झडप भएपछि प्रहरीले झडपलाई नियन्त्रणमा लिन दुई राउण्ड हवाई फायर गरेको एसपी मोहन पोखरेलले जानकारी दिएका छन् ।
गोली चलेपछि त्यस क्षेत्रको अवस्था तनाबग्रस्त बनेको छ । मतदाताहरु फटाफट घरतर्फ लागेका छन् । मतदानस्थलमा अहिले सुरक्षाकर्मी र निर्वाचन कार्यालयका कर्मचारीहरु मात्र रहेको त्यहाँबाट हाम्रा सम्बाददाताहरुले जनाएका छन् ।
उक्त क्षेत्रमा पूर्व संचार मन्त्रि अग्नीप्रसाद सापकोटा बाम गठबन्धनबाट र हाल का संचार मन्त्रि मोहन बस्नेत लोकतान्त्रिक गठबन्धनको तर्फबाट प्रतिनिधि सभाको चुनाबी दौडमा छन् l
