कांग्रेस सभापति तथा प्रधानमन्त्री शेरबहादुर देउवाले छैटौंपटक गृह जिल्ला डडेल्धुराबाट प्रतिनिधिसभा सदस्य पदका लागि उम्मेदवारी दिएका छन् । आजको कान्तिपुरमा खबर छ ।
उनले पूर्व स्वकीय सचिव एवं जिल्लास्तरिय नेता गणेशसप्रसाद पन्तलाई वारेस बनाई जिल्ला निर्वाचन अधिकृतको कार्यालयमा उम्मेदवार दर्ता गराएका छन् ।
देउवाको समर्थकमा परशुराम नगरपालिकाका मेयर भीमबहादुर साउद र प्रस्तावकमा जिल्ला पार्टी उपसभापति करुणाकर भट्ट छन् ।
सदरमुकास्थित पार्टी कार्यालयबाट जुलुस र झाँकी प्रदर्शन गर्दै कार्यकर्ताले देउवाको उम्मेदवारी दर्ता गराएका थिए ।
