">
पाँचथर – नेपाल शिक्षक महासंघकी केन्द्रीय महिला उपाध्यक्ष टिकादेबी राइलाई प्रहरीले बिद्यालयबाटै गिरफ्तार गरेको छ ।
पाँचथरको लुङ्रुरुस्थित गुप्तेश्वर माध्यमिक बिद्यालयमा पढाउँदै गरेकी शिक्षिका राईलाई कक्षाकोठाबाटै गिरफ्तार गरेको हो । नेपाल शिक्षक महासंघ नेपाली काँग्रेस नेकपा एमाले र माओवादी लगायत सबै दल आबद्ध शिक्षकहरुको साझा संगठन हो।
राई नेपाल कम्युनिष्ट पार्टी निकट अखिल नेपाल शिक्षक संगठनकोकि केन्द्रीय सचिबालय सदस्य समेत हुन् । गिरफ्तार शिक्षिकालाई तत्काल रिहा गर्न संगठनका केन्द्रीय अध्यक्ष लालबहादुर बिसीले माग गरेका छन् ।
इमान्दार मिडियासँग कुरा गर्दै अध्यक्ष बिसीले राईलगायत गिरफ्तार सबै शिक्षकहरुलाई तत्काल बिनासर्त रिहा नगरे आफुहरु शिक्षक महसंघबाट अलग भएर आन्दोलनमा उत्रिन बाध्य हुने बताएका छन् । उनले भने-‘यसरी राज्यले चरम दमन गर्ने क्रम नरोकेमा हामी यसको बदला लिने छौ ।’
कार्तिक २९ गते विद्यार्थीलाइ पढाउँदा पढाउँदै कक्षाकोठाबाट गिरफ्तार शिक्षिका राईलाई पाचथरको फिदिमस्थित प्रहरी हिरासतमा राखिएको छ ।
यसअघि अखिल नेपाल शिक्षक संगठनका दार्चुला जिल्ला अध्यक्ष महेन्द्र बहादुर बिस्ट र प्यूठान जिल्ला अध्यक्ष जयश्वर जैशीलाई पनि प्रहरीले गिरफ्तार गरेर हिरासतमा राखेको छ ।
चुनाव नजिकिंदै जाँदा चुनाव बिरोधि गतिविधिमा संग्लन भएको आरोपमा प्रहरीले शिक्षक, बिद्यार्थी, र पत्रकारहरुलाइ समेत गिरफ्तार गर्न थालेको छ ।
