हुम्ला – चुनावको समयमा ठाउँठाउँमा रमाइला घटना घटेका छन् । हुम्लाको शंखेली गाउँपालिका ३ रारा आधारभूत विद्यालय मेखाला मतदान केन्द्रमा मतदातानै उपस्थित नभएपछि अझैसम्म मतदान भएको छैन। एक जनाले त मत खसाल्न आउनुहोस् न भनी पटक पटक अनुरोध गर्दा पनि कोहि मतदानस्थलमा नआएको स्थानीयले बताएका छन् । उक्त मतदाता केन्द्रमा ११९ मतदाता छन् । 

सदरमुकामबाट ४० कोस टाढा पर्ने उक्त केन्द्रमा कोहि पनि नआएपछि आयोगका कर्मचारी र सुरक्षाकर्मी घाम तापेर बसेका छन् । डीएसपी कमल प्रकाश नेपालले विज्ञप्ति टाँसेर गाउँले मतदानस्थलमा उपस्थित नभएको जानकारी दिएका छन् ।