- अर्थ सरोकार सम्बाददाता
काठमाडौँ- भारतबाट र अन्य देशबाट आयात हुने कुरकुरे नेपालामा ब्याण्ड हुने भएको छ । विदेशबाट आयात हुने कुरकुरे आयातमा रोक लगाउन पाटन उच्च अदालतले आदेश दिएपछी नेपालमा भारत र अन्य मुलुकबाट आउने कुरकुरे ब्याण्ड हुने भएको हो ।
नेपालमा दुगड स्पाइस एण्ड फूड्स प्रोडक्ट्सले आफूले उत्पादन गरिरहेको कुरकुरेसँग हुबहु मिल्ने कुरकुरे नामकै खाद्य पदार्थ भारत लगायत तेस्रो मुलुकबाट आयातमा रोक लगाउन अदालतमा रिट दर्ता गरेको थियो । रिटमा सुनुवाई हुँदै अदालतले दुगडका पक्षमा फैसला गरेपछि अन्तत: नेपालमा भारत र अन्य देशबाट आउने कुरकुरे ब्याण्ड हुन लागेको हो ।
अदालतको आदेशपछी नेपालमा अव कुरकुरे आयातमा प्रतिबन्ध लाग्नेछ भने अव नेपालमा विदेशबाट आउने कुरकुरे बेच्न पाइने छैन । नेपालको उत्पादनसँग हुबहु मिल्ने अन्य यस्तै खाद्य सामाग्री पनि नेपालमा विक्री भइरहेका छन्। कुरकुरे भने नेपालमा आयातमै प्रतिबन्ध लाग्ने भएपछि नेपालमा अव पाइने छैन ।
