काठमाडौं- महालक्ष्मी विकास बैंकले बिहीबारबाट चार शाखा सञ्चालनमा ल्याउने भएको छ। बैंकले बाजुराको मार्तडी, बझाङ्गको चैनपुर, बैतडीको पाटन र दाङ्गको घोराही गरी चार शाखाहरुबाट एकैसाथ कारोबार थाल्न लागिएको हो । 

यी चार शाखा बिस्तारपछि महालक्ष्मी बैंक सुदुरपश्चिमको बाजुरा, बझाङ्ग र बैतडीमा बैकिङ शाखा खोल्ने राष्ट्रिय स्तरको पहिलो बैंक बन्नेछ ।

नयाँ शाखाहरुसहित बैँकको शाखा संख्या ७० पुुग्नेछ भने एटिएम संख्या ३५ रहेको छ । बैंकले निकट भविष्यमै दार्चुलाको गोकुलेश्वरमा पनि शाखा सञ्चालनको तयारी गरिरहेको छ । 

बैंकको कात्तिक मसान्तसम्म २५ अर्ब ४३ करोड निक्षेप र २० अर्ब १२ करोड ऋण लगानी पुगेको छ।