काठमाडौँ  – पुत्रशोकमा रहेका माओवादी केन्द्रका अध्यक्ष पुष्पकमल दाहाल प्रचण्डलाई प्रधानमन्त्री शेरबहादुर देउवा, एमाले अध्यक्ष केपी शर्मा ओली र वरिष्ठ नेता माधव कुमार नेपालले भेट गरेका छन् ।

सोमबार बिहान यी तीन नेता प्रचण्ड निवास लाजिम्पाट पुगेका थिए । नेताहरुले स्वर्गीय प्रकाश दाहालप्रति श्रद्धाञ्जली व्यक्त गरे । साथै उनीहरुले यो शोकको घडिमा हतास नबन्न र संयमितता अपनाउन आग्रह गरेका थिए ।

उनीहरुले प्रचण्ड र पत्नी सीता दाहाललाई भेटेर समवेदना व्यक्त गरेका छन् । यो भेटमा सीता पनि सहभागी थिइन् । छोराको निधनपछि उनी पहिलो पटक देखिएकी हुन् । – काठमाडौँ टुडे