काठमाडौँ- व्यवस्थापन र संचालक समितिको विवाद, सफ्टवेर घोटाला प्रकरण लगायतका कुराहरुमा पटक पटक फसीरहेको बैंकको नाफापनि घटेको छ । अघिल्लो वर्षको पहिलो त्रैमासमा२५ करोड ३१ लख खूद नाफा कमाएको बैंकको नाफा घटेर चालुु आर्थिक वर्षको पहिलो त्रैमासमा २० करोड ३७ लाखमा सिमित भएको छ । 

पछिल्लो समय जनताको विश्वाश घट्दै गएको सनराइज बैंकको खूद ब्याज आम्दानीमा पनि घटेको छ । समीक्षा अवधिमा बैंकको खुद ब्याज आम्दानी ५१ करोड ३८ लाख छ । अघिल्लो आबको पहिलो त्रैमासमा ५१ करोड ५६ लाख खूद ब्याज आम्दानी भएकोमा मात्र आम्दानी भएको हो । यो अवधिमा बैंकले ७ करोड ५ लाख राइटब्याक गरेको छ भने जोखिम व्यवस्थापनका लागि १५ करोड ६८ लाख प्रोभिजनमा राखेको छ । 

यता बैंकले खराव कर्जा भने घटाएको छ । बैंकले खराब कर्जा घटाएर समीक्षा अवधिमा १.४९ प्रतिशतमा झारेको छ । बैंकको प्रतिसेयर आम्दानी ९.९१ रुपैयाँ, प्रतिसेयर नेटवर्थ १२१.०६ रुपैयाँ र मूल्य आम्दानी अनुपात ३३.१२ गुणा कायम भएको छ ।

यो पनि पढ्नुहोस् :