काठमाडौं – प्रधानमन्त्री शेरबहादुर देउवाले केही एआईजी र आफ्नै श्रीमती आरजु देउवाको उक्साहटमा लागेर प्रहरीमा नयाँ भाँडभैलो ल्याउन लागेको खुलासा भएको छ । स्रोतका अनुसार क्याबिनेटको बैठकले अध्यादेशमार्फत प्रहरीमा विद्यमान ३० वर्षे सेवालाई हटेर ३२ वर्ष बनाउने कार्यमा देउबा जुटेका हुन् ।
बिबादमा मुछिएका एआईजी हेमन्त पाल र देउवा पत्नी आरजुको डिजाइनमा ३० वर्षे सेवालाई बढाएर ३२ वर्ष बनाउने तयारी भएको हो । यो कार्यलाई पछरी बसेर आनन्द बतास नामका व्यापारी र उमेश श्रेष्ठले सहयोग गरेको स्रोतले बताए ।
गलत निर्णयले प्रहरीमा ठूलो बिबाद उत्पन्न हुने भन्दै उच्च प्रहरी अधिकारीहरूले चुनाव अघी देउवालाई गलत निर्णय नगर्न सुझाव दिएका थिए । करोडौको लोभमा लागेर आरजुको दबाबपछि क्याबिनेटले बिबादास्पद निर्णय गर्न लागेको स्रोतले जनाएको छ ।
प्रधानमन्त्री देउवाले जाँदाजाँदै प्रदेश प्रमुखको नियुक्ति, नेपाल प्रहरीमा ३० वर्षे सेवा हद हटाउने र डीआईजीदेखि डीएसपीसम्म बढुवा गर्ने र सशस्त्र प्रहरीमा एआईजीको पद थप्ने तयारी गरेका हुन् । एमाले महासचिव ईश्वर पोखरेलद्वारा हस्ताक्षरित विज्ञप्तिमा अहिलेको कामचलाउ सरकारले गरेका सम्पूर्ण निर्णय नयाँ बन्ने वाम गठबन्धनको सरकारले खारेज गर्ने चेतावनीसमेत दिइएको थियो ।
