">
काठमाडौँ – सुनसरी-३ बाट प्रतिनिधिसभा अन्ततः नेपाली कांग्रेसका उम्मेदवार बिजयकुमार गच्छदार झिनो मतान्तरबाट निर्वाचित भएका छन् ।
शुरुदेखि नै कायम रहेकी एमालेकी भगवती चौधरीको अग्रता तोड्दै गच्छदारले ३२१ मतको अन्तरमा जित प्राप्त गरि बिजयी भएका हुन् । निर्वाचनमा गच्छदारले ३८ हजार ९७२ मत प्राप्त गरेका छन् भने उनका निकटतम प्रतिस्पर्धीमा रहेकी एमालेकी भगवती चौधरीले ३८ हजार ६५१ मत प्राप्त गरेकी छिन् ।
भगवती चौधरीको यो दोस्रो दुर्भाग्य हो । यसअघि २०७० को संविधानसभा निर्वाचनमा पनि चौधरी गच्छदारसँगै डेढ सय मतान्तरमा पराजित भएकी थिइन् र गच्छदारको भने यो राजनीतिक जीवनमा छैटौं अपराजित यात्रा हो । २०४८ देखि उनले कुनै पनि चुनाव हारेका छैनन् । योसँगै प्रतिनिधिसभा र प्रदेशसभाका प्रत्यक्षतर्फ सबै निर्वाचन क्षेत्रको मतगणना सम्पन्न भएको छ ।
