">
सोलुखुम्बु – सोलुखुम्बु स्थित सोलुदूधकुण्ड नगरपालिका ८ बागमको एक घरमा आगलागीले गर्दा करिब ७० लाख बराबरको क्षति भएको छ ।
तेण्डी शेर्पाको घरमा शनिबार ग्यास लिक भएर आगलागी हुँदा एक लाख ५० हजार नगदसहित शेर्पाको ढुङ्गा माटोले बनेको तीनतले घर, घरमा भएको सुनचाँदी कासा तामालगायत सम्पूर्ण धनमाल जलेर नष्ट भएको जिल्ला प्रहरी कार्यालय सोलुखुम्बुले जनाएको छ ।
अपराह्न चिया पकाएर घरमा भएका मानिस मेलामा गएको समयमा ग्यास लिक भई आगलागी भएको बताइएको छ । घटनास्थलमा पुगेका प्रहरी टोली र स्थानीयले आगो नियन्त्रणको प्रयास गरेको भए पनि नियन्त्रणमा लिन नसक्दा घर पूर्णरुपमा जलेर नष्ट भएको हो ।
