कुश्मा – पर्वतको कुश्मामा केन्द्रिय कार्यलय रहेकोे जनसेवी लघुवित्त वित्तीय संस्था लिमिटेडले दुइ करोड ९४ लाख रुपैयाँ बरावरको साधारण सेयर निष्कासन गर्ने भएको छ ।
पर्वत सदरमुकाम कुश्मामा शनिवार सम्पन्न लघुवित्तको दोस्रो साधारण सभाले सर्वसाधारणमा सो रकम वरावरको दुई लाख ९४ हजार कित्ता सेयर जारि गर्ने निर्णय गरेको हो ।
नेपाल राष्ट्रबैंक बाट ̎घ” बर्गको इजाजत प्राप्त दश जिल्ला कार्यक्षेत्र भएको लघुवित्तले २०७० असोज बाट कारोवार सुरु गरेको थियो । रुकुम , रोल्पा ,पर्वत , बाग्लुङ, म्याग्दी, गुल्मी, कास्की, लमजुंङ, तनहुँ, गोर्खा का विभिन्न १८ स्थानबाट वित्तिय सेवा प्रबाह गरिरहेको लघुवित्तको हाल चार करोड ९० लाख रुपैयाँ चुक्ता पुँजी रहेको छ ।
साधारण सभाबाट यसै बर्ष १–१ को अनुपातमा संथपक हकप्रद सेयर जारी गरी चुक्ता पुँजी नौ करोड ८० लाख रुपैया पुग्ने गरी प्रवन्ध पत्र र नियमावली सम्सोधन गर्ने गरी निर्णय समेत गरेको छ । सो प्रकृया पश्चात सर्वसाधारणमा ३० प्रतिशत साधारण सेयर जारी गर्नेनिर्णय भएको लघुवित्तका अध्यक्ष विकास गौचनले जानाकारी दिनुभयो ।
स्थापनाको छोटो समयमानै विभिन्न कोषको अवस्थालाई मजबुत बनाउदै लगेको लघुवित्तले यसै वर्ष देखि थप ५ जिल्लाकार्य क्षेत्र बनाई निकट भविष्यमा नै राष्ट्रियस्तरको लघुवित्तकोरुपमा स्थापित गर्ने उद्देष्य रहेको पनि गौचनले बताउनुभयो ।
पुर्व प्रमुख निर्वाचन आयुक्त नीलकष्ठ उप्रेती, जिल्ला समन्वय समितिका संयोजक मनोहर वि पौडेल र संस्थाका अध्यक्ष गौचनले संयूक्तरुपमा उद्घाटन गर्नुभएको साधारण सभा बाट आर्थिक वर्ष ०७३÷७४ को आय ब्यय पारित, लेखा परिक्षक नियुक्ति , लगायतका निर्णय गरेको थियो ।
साधारण सभामा प्रमुख अतिथी निलकण्ठ उप्रेतीले अत्यन्त विषम परिस्थितीमा स्थापना गरिएको लघुवित्तले छोटो समयमा नै प्रभावकारी वित्तिय सेवा प्रबाहगरि राष्ट्रियस्तरमा नै आँफुलाई चिनाउन सक्षम भएको बताए । देशमा संक्रमणकालको अन्य भई अव आर्थिक समृद्धीका मुद्धाले प्राथमिकता पाउने समय भएकोले अव पुँजी बजारको विकास गरी समृद्धीको ढोका खोल्न यि र यस्तै अभियानको आवश्यकता भएको बताए । साधारण सभामा जिल्ला समन्वय समितिका संयोजक तथा शेयर सदस्य मनोहर वि पौडेल, शेयर धनिका तर्फ बाट चन्द्र बहादुर क्षेत्री, गणेश पौडेल, हेमराज सापकोटा, लगायतले बोल्नुभएको थियो ।
