×

Live on

रेडियो अर्थ सरोकार

Listen to live radio.

प्रहरीको गोलि खानुअघि विवेकको अन्तिम स्टाटस ‘म मर्दा दुनियाँले हाई हाई गरुन्’

LAXMI SUNRISE BANK
GLOBAL IME BANK
DISH HOME NETWORK

प्रहरीको गोलि खानुअघि विवेकको अन्तिम स्टाटस ‘म मर्दा दुनियाँले हाई हाई गरुन्’

Artha Sarokar

१० पुष २०७४, सोमबार

पढ्न लाग्ने समय: १ मिनेटभन्दा कम

कालिकोट – प्रहरीको गोली लाग्नुअघि विवेकले सामाजिक संजाल फेसबुकमा एउटा गम्भीर र उनका अन्तिम रहेको स्टाटस लेख्दै भनेका थिए । “दुनियाँले थुक्क थुक्क भनेर घृणा गर्नुभन्दा सबैले हाईहाई भनोस् र मर्दा कठैबरी भनाउँदै मर्ने ठूलो रहर छ।”
विवेकले जे लेखे त्यही भयो । अहिले उनले भनेजस्तै सबैलाई अन्यायको विरोध गरेको भन्दै हाईहाई गरिएको छ भने सबैले कठैबरी भनिरहेका छन् । कालिकोट रास्कोट नगरपालिका-२ साविकको सिपखानाका विवेककुमार ऐडी घरको आर्थिक अभावलाई थोरै भएपनि परिपूर्ति गर्ने उद्देश्यले म्यादी प्रहरीमा भर्ना भएका थिए ।
चुनावको सुरक्षा सकेर घर फर्किने क्रममा विवेकलाई प्रहरीले ताकेर हानेको गोलीले मृत्युको शिकार बनायो । म्यादी प्रहरीको तलवमा प्रहरी अधिकारीहरुले आँखा गाडेपछि त्यसको विरोधमा उत्रेका ऐडीको टाउकोमा ताकेर प्रहरीले गोली चलाएको थियो ।
अन्य जिल्लाहरुमा चुनावको सुरक्षाको जिम्मेवारी पूरा गरेको भन्दै म्यादी प्रहरीलाई सम्मानपत्रसहित विदाई गरिएपनि कालिकोटका म्यादीलाई भने गोलीको शिकार बनाइयो । म्यादी प्रहरीले ‘सरकार हाम्रो तलव नकाट, हामीलाई रोटी र भोटी चाहिन्छ’ भनेकै आधारमा प्रहरीले गोली हान्यो ।
यो सामान्य कुरा होइन । तर, प्रहरीले हवाई फायर गरेको बताउँदै आएको छ । तलवबाट प्रतिव्यक्ति तीन हजार कमिसन खान खोजेको भन्दै शुक्रबार म्यादी प्रहरीले कालीकोटको जिल्ला प्रहरी कार्यालय अगाडि विरोध प्रदर्शन गरेका थिए ।
त्यस बखत प्रहरीले गोली हानेर एक जनाको हत्या गर्नुको साथै आधा दर्जन घाइते बनायो । गल्ती स्वीकार गरी दोषिलाई कारवाही नगर्दा कालिकोटमा तनाव जारी छ । विवेकलाई सहिद घोषणा, दोषीलाई कारवाही र पीडित परिवारलाई राहतको माग गर्दै गरिएको प्रदर्शनमाथि पनि प्रहरीले दमन गरेपछि प्रदर्शनकारी आक्रोसित बनेका छन् ।
गल्तीलाई स्वीकार गरी समस्याको समाधान गर्नुको साटो जिल्ला प्रशासन कार्यालयले कर्फ्यु जारी गर्यो । यता सरकारले पनि दोषीलाई कारवाही गर्छु भन्ने हिम्मत गर्न सकेन । छानविन समिति गठन गर्दै पीडित परिवारलाई १० लाख दिने निर्णय गर्यो ।
विना कारण निर्दोषलाई गोली हानेर मार्दै १० लाख दिने भन्दापनि दोषीलाई कारवाही गर्नुपर्ने मुख्य माग सरकारले पूरा नगर्दा तनाव जारी छ । 

यस्तो थियो, विवेकको स्टाटस हेर्नुहोस् जस्ताको त्यस्तै ।

CITIZEN LIFE INSURANCE
TESLA AIR CONDITIONER
Hamro Parto AD
KAMANA SEWA BIKAS BANK

प्रतिक्रिया दिनुहोस्

एक्स्क्लुसिभ स्टोरी