![](https://1.bp.blogspot.com/-i_YNj7i2mPY/WjHH-73G5OI/AAAAAAAAlgc/4Bjk2gbQGSomY4G78g75olvzOwjiLysnQCLcBGAs/s640/nepse5.jpg)
काठमाडौँ- नेपाल स्टक एक्सचेञ्ज (नेप्से) को भवनमा आगलागी भएको छ । प्राप्त जानकारी अनुसार बुधबार राती ९ बजे नेप्सेको भवनमा सामन्य आगलागी भएको हो । प्रहरीका अनुसार अागाे नियन्त्रणमा आइसकेको छ ।यद्यपी आगो के कारणले लाग्यो र आगलागीबाट कति क्षति भयो भन्ने विवरण भने आउन बाँकी छ ।
यता नेप्सेमा आगो लागेपछि नेप्सेका कर्मचारीहरुले घटनाको विवरण लिएका छन् । यद्यपी नेप्सेका महाप्रबन्धक भने अहिले बिराटनगरमा छन् । नेप्सेको महाप्रबन्धक भएदेखि काम कम घुमघाम बढी गरिरहने नेप्सेका जीएम चन्द्र साउदलाई पनि यो घटनाबारे प्रहरीले जानकारी गराएको हो ।
‘हुन त हाम्रा हाकिमलाई नेप्से पुरै डढेपनि मतलव छैन । तर पनि प्रहरीलाई जानकारी गराउनुस् भनेपछि प्रहरीले उहाँलाई जानकारी गरायो ।’ नेप्सेका एक कर्मचारीले अर्थ सरोकार डटकमसँग भने ।