काठमाडौं – मर्चेन्ट बैंकिङ एसोसिएसनको अध्यक्षमा ध्रुव तिमिल्सिना चयन भएका छन् । यसअघि एसोसिएसनको अध्यक्ष प्रविणरमण पराजुली थिए । पराजुलीको नबिल इन्भेष्टमेन्टमा कार्यकाल सकिए पछि उनी एक बिमा कम्पनीको सीइओ हुन गएका छन् । पराजुली मर्चेन्ट बैंकिङ भन्दा बाहिर रहेकाले एसोसिएसनमा अध्यक्षको पद पनि स्वतः खारेज भएको हो । यही रिक्त पदमा बाँकी कार्यकालका लागि सिद्धार्थ क्यापिटलका ध्रुव तिमिल्सिनालाई सर्वसम्मत छानिएको मर्चेन्ट बैंकिङ एसोसिएसनले जारी गरेको विज्ञप्तिमा उल्लेख गरिएको छ ।