">
काठमाडौं – सातैपपिच्छे जस्तो नेपाल बन्द हुन थालेपछि सहरी युवाको एउटा समूह विरोध गर्दै माइतीघर मण्डला पुग्थ्यो ।
माइकिङ गर्दै ती युवाको हातमा हुन्थ्यो, नेपाल खुल्ला छ लेखिएको प्ले कार्ड । २०७० ताका नेपाल बन्दको विरोध गर्न प्ले कार्ड बोकेर माइतीघर पुग्ने मध्येमै हुन्थे रमेश पौड्याल ।
कहिले नेपाल बन्दको विरोध त कहिले संविधान बनाउनका लागि खबरदारी गर्दै सडकमा उत्रने युवाको त्यो समूह फेसबुक, ट्विटर लगायत सामाजिक सञ्जालमा पनि उत्तिकै सक्रिय थियो । आजको नागरिक(काष्ठमण्डप)मा खबर छ ।
उनीहरु सामाजिक सञ्जालमार्फत विरोधका आवाज सम्बन्धित निकायसमम पुर्याउँथे । रमेशले पनि विरोधका स्वरलाई बुलन्द गर्न सामाजिक सञ्जाललाई भरपूर उपयोग गरे ।
चार बर्ष अघि नेपाल बन्दको विरोधमा प्ले कार्ड बोकेर सडकमा पुग्ने र सामाजिक सञ्जालमा विरोध जनाउने पौड्याल अब भने जनताका अजेन्डा बोकेर प्रदेशसभाको संसद भवन जानेछन् ।
उनी विवेकशील साझा दलबाट प्रदेशसभा ३ मा समानुपातिकतर्फबाट चुनिएका सांसद हुन् । उनी मात्र होइन, यो दलबाट आगामी बिहीबार बस्ने प्रदेश संसदको पहिलो बैठकमा विराजभक्त श्रेष्ठ र शोभा शाक्य पनि सहभागी हुँदैछन् ।
