">
- अर्थ सरोकार सम्बाददाता
काठमाडौं – एसियन लाइफ इन्सुरेन्सले १२.६३% लाभांश दिने भएको छ । कम्पनीले १२% बोनस सेयर र कर तिर्न ०.६३% नगद लाभांश दिने भएको छ । इन्सुरेन्सले हाल कायम चुक्ता पुँजी ८० करोड ५५ लाख ६६ हजार रुपैयाँको १२% बोनस र ०.६३% नगद दिने घोषणा गरेको हो ।
यसआधारमा, कम्पनीले बोनस सेयरका लागि ९ करोड ६६ लाख ११ हजार १८८ रुपैयाँ र कर तिर्न ५० लाख ८७ हजार ९५७.३१ रुपैयाँ खर्च गर्नेछ । एसियन लाइफले अहिले ५०% हकप्रद पनि बिक्री गरिरहेको छ ।
कम्पनीले ४० करोड २७ लाख ९६ हजार ६२० रुपैयाँ बराबरको ४० लाख २७ हजार ९६६.२० कित्ता हकप्रद बिक्री खुला गरेको हो । यो हकप्रद र बोनस सेयरपछि कम्पनीको चुक्ता पुँजी १ अर्ब ३० करोड ५० लाख रुपैयाँ पुग्नेछ ।
