काठमाडौं – नेकपा एमालेकी उपाध्यक्ष अष्टलक्ष्मी शाक्य प्रदेश नम्वर ३ को संसदीय दलमा पराजित भएकी छिन् । शाक्यलाई नेतामा डोरमणि पौडेलले पराजित गरेका छन् । मुख्यमन्त्रीका सशक्त दावी गर्दै आएकी शाक्य पराजित भएपछि पौडेल मुख्यमन्त्री बन्ने पक्का भएको छ ।

शुक्रबार भएको संसदीय दलको चुनावमा ५८ मत खसेको थियो । जसमा पौडेलले ३४ मत पाए भने पार्टी उपाध्यक्ष समेत रहेकी शाक्यले २४ मत मात्र पाइन् । पार्टी अध्यक्ष केपी शर्मा ओलीले शाक्यलाई हराउन निकै कसरत गरेका थिए । शाक्य नेपाल समुहकी हुन् । शाक्यलाई हराउन नेपाल समुहकै राजेन्द्र पाण्डेपनि लागेको स्रोतले बताएको छ ।