काठमाडौँ  – मन्त्रीको टुंगो लगाउनको लागि छलफल गर्न नेकपा एमालेको स्थायी कमिटी बैठक सुरु भएको छ ।

प्रधानमन्त्री निवास बालुवाटारमा बैठक सुरु भएको एमाले सचिव प्रदीप ज्ञवालीले जानकारी दिए । उक्त बैठकमा मन्त्रिपरिषद्मा सहभागी गरिने नेताहरूको नाम टुंगो लगाउने स्रोतको दाबी छ । उक्त बैठकले पार्टी एकताबारे पनि छलफल गर्ने बताइएको छ ।

एमाले अध्यक्ष एवं प्रधानमन्त्री केपी शर्मा ओली र माओवादी अध्यक्ष पुष्पकमल दाहाल प्रचण्डबीच भएको बैठकपछि दुबै पार्टीका नेताहरुको बैठक बसेको थियो । त्यस लगत्तै एमालेको स्थायी कमिटी बैठक बसेको हो ।

ओली र प्रचण्डबीचको छलफलमा आजै सरकार विस्तार गर्नेबारे छलफल भएकोले एमालेले पनि सरकारमा सहभागी हुने नेताहरूको टुंगो लगाउने सम्भावना रहेको छ ।