भंगाल युवा क्लब, बुढानिलकण्ठ–२ को आयोजनामा शनिवार लिटिल मुन स्कुलमा बृहत रत्तदान कार्यक्रम सम्पन्न भएको छ । कार्यक्रममा चारसय भन्दा धेरै जनसहभागिता भएको थियो भने ७७ जनाले आफ्नो अमुल्य रगत दान गर्नु भएको थियो ।
कार्यक्रमको उद्घाटन यसै वडाका वडाअध्यक्षलाई १५२ पल्ट रगतदान गर्नुभएका प्रेमसागर कर्माचार्यले रक्तदान गर्ने प्याकेट हस्तान्तर गरी गर्नुभएको थियो । रक्तदान कार्यक्रम बुढानिलकण्ठ नगरपालिकाका नगर प्रमुख उद्धव खरेलको प्रमुख आतिथ्यमा तथा भङ्गाल यूवा क्लबका सदस्य राम न्यौपानेको संयोजकत्वमा सम्पन्न भएको थियो ।
कार्यक्रमलाई यूनाइटेड सिमेन्टस्को विषेश सहयोग थियो साथै बाबा एजुकेस्नल कन्सल्टेन्सी, सर्चिङ् आइज इन्स्टिट्यूटको पनि साथ थियो । देशको विभिन्न स्थानमा रगत अभावको कारणले गर्दा दिनहुँ धेरै मानिसले अकालमा ज्यान गुमाउनुपरेको छ र यही अभावलाई ध्यान दिदै रक्तदान कार्यक्रम आयोजना गरिएको आयोजकले बताए ।
