">
काठमाडौँ – नेकपा (माओबादी) अध्यक्ष पुष्पकमल दाहाल (प्रचण्ड)लाई आफ्नी बुहारी बिना मगरलाई मन्त्री नबनाउन पार्टीभित्रैबाट दवाव दिएको छ । पार्टीभित्रकै नेताहरुको दवाव र चेतावनीका कारण प्रचण्डले आफ्नी बुहारी बिना मगरलाई मन्त्री बनाउन नपाएको खुलासा भएको छ ।
कंचनपुरबाट प्रतिनिधि सभा सदस्यमा निर्वाचित बुहारी मगरलाई मन्त्री बनाउनबाट रोकिएको खुलासा भएको हो । प्रचण्डले सोमबार नै मन्त्रीको सपथ गराउने तयारी गरे पनि अन्तिममा आएर सपथग्रहणमा सहभागी नगराएको स्रोतले बतायो ।
प्रचण्डले दोस्रोपटक मन्त्रिपरिषद विस्तार हुँदा कम्तिमा एक जना महिलालाई सपथ गराउने गरी प्रधानमन्त्री केपी शर्मा ओलीसँग सल्लाह गरेका थिए । प्रचण्डको प्रस्तावमा ओली पनि सकारात्मक थिए । तर, प्रचण्डलाई पार्टीभित्रैबाट बिनालाई मात्रै मन्त्री बनाईए ठिक नहुने धम्की आएपछि उनी एकाएक ‘ब्याक’ भएको स्रोतको दाबी छ ।
धम्की कसले दिएको हो भन्ने बारेमा भने स्रोतले नाम खुलाउन चाहेन । तर गृहमन्त्री बनेका नेता रामबहादुर थापा बादल र नेतृ पम्फा भुषालले बिनालाई मात्रै मन्त्री नबनाउन दबाब दिँदै आएका थिए । नेतृ भुषालले पनि मन्त्रीमा दाबी गरिरहेकी छिन् ।
