काठमाडौं – सेन्ट्रल फाइनान्सको ५०% हकप्रद भर्ने आज अन्तिम म्याद रहेको छ । आज कार्यालय समयसम्ममा  यो हकप्रदमा आवेदन दिइसक्नुपर्नेछ । पुुस ३ गतेसम्म कायम रहेका सेयरधनीले मात्र सेन्ट्रलको हकप्रदमा आवेदन दिन पाउेछन् । हाल सेन्ट्रल फाइनान्सको चुक्ता पुँजी ५२ करोड ६ लाख ६३ हजार रुपैयाँ छ । हकप्रदपछि भने कम्पनीको चुक्ता पुँजी ७८ करोड ९ लाख ९४ हजार २२२ रुपैयाँ पुग्नेछ ।

बिक्री प्रबन्धक एनआइबीएल क्यापिटल मार्केट्स लिमिटेड, कमलादी काठमाडौं तथा यसका शाखा कार्यालयहरु लगनखेल, ललितपुर तथा पोखरा चिप्लेढुंगाबाट आवेदन दिन सकिनेछ । त्यसैगरी, सेन्ट्रल फाइनान्सको मुख्य कार्यालय कुपण्डोल ललितपुरसहित शाखा कार्यालयहरु र नेपाल इन्भेष्टमेन्ट बैंकको विराटनगर, वीरगञ्ज, नेपालगञ्ज, इटहरी र धनगढी शाखाबाट पनि हकप्रद भर्न सकिनेछ । आस्वामा सहभागी बैंक तथा वित्तीय संस्थाबाट पनि सेयर भर्न पाउने व्यवस्था छ ।