काठमाडौँ – ज्योति विकास बैंक लिमिटेडले काठमाडौँको ठमेलमा नयाँ शाखा विस्तार गरेको छ । विहीबार एक कार्यक्रमका बीच प्रमुख अथिति काठमाडौं महानगरपालिका वडा नं २६ का अध्यक्ष ख्याम राज तिवारी तथा बैंकका अध्यक्ष हरी चन्द्र खड्काले संयुक्त रुपमा बैंकको ठमेल शाखाको उद्घाटन गरे । विहान ८ बजे बैंकका कर्मचारी तथा सर्वसाधारणको उपस्थितिमा ठमेल सरसफाई कार्यक्रम गरी ९ बजे विधिवत रुपमा शाखा कार्यालय उद्घाटन गरिएको बैंकले जनाएको छ ।

यससँगै ज्योति विकास बैंकको शाखा संख्या ५० पुगेको छ । साथै, निकट भविष्यमा नै १० वटा नयाँ शाखा संचालनमा ल्याउने बैंकको लक्ष्य रहेको छ । बैंकले १४ वटा एटिएम संचालन गरिरहेको छ । आफ्ना ग्राहकको आवश्यकता र सुविधालाई ध्यानमा राखि बैंकले निःशुल्क ईन्टरनेट बैंकिङ्ग सेवा, मोबाइल बैंकिङ्ग सेवा, लकर सेवा, एटिएम सेवा, ३६५ दिने बैंकिङ्ग सेवाका साथ ब्द्यद्यक् सेवा समेत उपलब्ध गराएको छ । 

हालसम्म बैंकले करिब १ लाख २२ हजारभन्दा बढि खाताबाट रु. १३ अर्व ४५ करोड निक्षेप संकलन गरी १० हजारभन्दा बढि ऋणी मार्फत रु. १२ अर्व ४३ करोड ऋण लगानी गर्न सफल भएको छ । बैंकले हालै जारी गरेको बोनस सेयर समेत गरी कुल चुक्तापूँजी रु.२ अर्व ५९ करोड पुगिसकेको छ ।