* कतै नभएको सिस्टम र ‘हाइयार्की’ यहि बैंकमा छ । ग्राहक त बिरामी होइन थला पर्छन् यो बैंकको सिष्टमबाट । मेरा गाउँका मान्छेले त यस्ता सिष्टम बुझ्दैनन् । आफुलाई चित्त नबुझेको केहि कुरा सोध्यो कि ठाडो उत्तर आउँछ, ‘यो बैंकको सिष्टम हो ।’ मान्छेको पसीना नै छुट्ने खालको नियमवाला सिष्टम के हो मेरा गाउँका मान्छेले कसरी बुझ्छन् र !
* बैंकमा काम गर्ने बैंकर भएपनि कर्मचारीको काम गर्ने स्टाइल जुवा वा ढुकुटी खेलाउनेको जस्तो छ । यसो उसो गर्यो, काट्ने र तिर्ने बाहेक कुरै कम हुँदो रहेछ । कर्मचारीको व्यवहार त के भन्ने ! चोरलाई पुलिसले पनि अलिअलि सम्मान गर्छ होला, कर्मचारीले तनाव दिंदा रहेछन् ।
* राष्ट्र बैंकको सर्कुलरको मतलव नै छैन । मनलाग्दी छ । यो त सर्कुलरले यस्तो भन्छ नि होइन ? भनेर सोध्यो भने हाम्रो बैंकको नियम भन्ने उत्तर आउँदो रहेछ । नियम अनुसार चलेको हुन्छ बैंक भन्ने बुझेका मेरो गाउँका गाउँले त सराप्छन् हौ यस्तो गर्नेलाई त !
* बेलुका के तरकारी पकाउने भन्ने विषयमा समेत अरुलाई सोध्ने मेरा गाउँका गाउँलेले यो ग्राहकको फोन नै नउठाउने बैंकसँग के आस गर्ने ?
*१० रुपैयाँ बचाउन पाए के के न हुन्छ भनेर सोच्ने मेरो गरिव बस्तीका गाउँलेले यसरी साहुले अनेकथरी कुरा गरेर असुलेजसरी अनेक नाममा असुल्ने ब्याजलाई कसरी लिनु ? ब्याज १३ देखि १७ प्रतिशत त छंदै छ, केके थरी चार्जले त लिएको ऋणमा साहुलाई बुझाएजस्तै ब्याज तिर्नुपर्ने रहेछ।
