काठमाडौँ- एनआईसी एशिया बैंकको २ नयाँ शाखाहरुको औपचारिक उद्घाटन भएको छ । जयपृथ्वी नगरपालिका वडा नं. १०, चैनपुर, बझाङ र निलकण्ठ नगरपालिका वडा नं. ०३, धादिङ्गवेशी, धादिङ्गमा शुक्रबर एक समारोहकाबीच औपचारिक रुपमा समुद्घाटन सुसम्पन्न भयो ।
जयपृथ्वी नगरपालिकाका मेयर श्री बिरेन्द्र बहादुर खड्काज्यू बाट बझाङ र निलकण्ठ नगरपालिकाका मेयर श्री भिम प्रसाद ढुङ्गानाज्यू बाट धादिङ्गवेशी शाखाको औपचारिक रुपमा समुद्घाटन सम्पन्न भएको हो ।
शाखा सञ्जाल, पूँजी संरचना, वासलातको आकार, ग्राहक संख्याहरुको आधारमा एन आई सी एशिया बैंक निजी क्षेत्रको अग्रणी बैंकहरु मध्ये एक हो । उल्लेखित २ शाखा कार्यालयहरुको समुद्घाटन सँगै हाल यस बैंकले अधिराज्यभर १७० शाखा कार्यालयहरु, १६८ एटिएम एवंम् ४ एक्स्टेन्सन काउन्टरहरुबाट ग्राहक महानुभावहरुलाई सेवा प्रदान गर्दै आईरहेको छ । बैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा संचालन गर्ने योजना अगाडि सारेको छ ।
