काठमाडौँ – प्राइम लाइफ इन्सुरेन्सको १६०% हकप्रद सेयर सुरक्षित  गर्ने आज अन्तिम दिन हो । कम्पनीले हकप्रद निष्कासनका लागि बिहीबार (फागुन १६ गते) बाट बुक क्लोज गर्दैछ । बुक क्लोज हुनुभन्दा अघिल्लो दिनसम्म कायम सेयरधनीले मात्र हकप्रद भर्न पाउने हुँदा बुधबार भित्रनै सेयर किनिसक्नुपर्नेछ । हाल कायम सेयरधनीले भने स्वत: हकप्रद भर्न पाउनेछन् । 

प्राइमले फागुन २७ गतेदेखि १६०% हकप्रद सेयर बिक्री खुला गर्दैछ । कम्पनीले १ः१.६ अनुपातमा १०० रुपैयाँ अंकित मूल्यको ९७ लाख ६३ हजार २०० कित्ता हकप्रद सेयर बिक्री खुला गर्न लागेको हो । यो हकप्रद वैशाख २ गतेसम्म भर्न पाइनेछ । फागुन १६ गतेसम्म कायम रहेका सेयरधनीले मात्र यसमा आवेदन दिन सक्नेछन् ।

बिक्री प्रबन्धक सिद्धार्थ क्यापटिल लिमिटेड ,नारायणचौर नक्साल काठमाडौं तथा प्राइम लाइफ इन्सुरेन्सको मुख्य कार्यालय हात्तिसार काठमाडौं र यसका अधिकांश शाखा कार्यालयहरुबाट आवेदन दिन सकिनेछ । त्यसैगरी, धितोपत्र बोर्डबाट इजाजत प्राप्त आस्वा सेवामा सहभागी सबै बैंक तथा वित्तीय संस्थाबाट पनि आवेदन दिन सकिनेछ ।