काठमाडौँ – प्रतिनिधिसभा र राष्ट्रियसभाका सांसदको शपथ फागुन २० गते गर्ने तयारी भइरहेको छ । राष्ट्रपति विद्यादेवी भण्डारीले २१ गते संघीय संसदको बैठक आह्वान गरेका कारणले त्यसको अघिल्लो दिन सपथ गराउने तयारी सचिवालयले गरेको हो ।
संघीय प्रतिनिधिसभा र राष्ट्रियसभाका सांसदको सपथ एकै दिन तर फरक फरक समयमा हुने छ । प्रतिनिधि सभामा २ सय ७५ र राष्ट्रिय सभामा ५९ जना सदस्यहरु रहेका छन् । दुई वटै सभाको सुरुको अध्यक्षता सम्बन्धित सभाका ज्येष्ठ सदस्यले गर्ने छन् । सांसदलाई शपथ गराउनुअघि दुवै ज्येष्ठ सदस्यले राष्ट्रपतिसमक्ष शपथ लिनुपर्ने हुन्छ ।
कुनै सदस्यले मातृभाषामा शपथ लिन चाहेमा अनुवाद गराएर ३ दिनअघि संसदका महासचिवलाई उपलब्ध गराउनुपर्ने नियम रहेको छ ।
