">
काठमाडौं – संघीय समाजवादी फोरम नेपाल सरकारमा सहभागी हुने भएको छ । सोमबार प्रधानमन्त्री केपी शर्मा ओलीको निवास बालुवाटारमा भएको वैठकमा फोरम अध्यक्ष उपेन्द्र यादवलाई सहमतिमा ल्याइएको थियो ।
फोरमले संविधान संशोधनको सर्त अघि सारेको थियो । प्रधानमन्त्री ओली, नेकपा माओवादी केन्द्रका अध्यक्ष पुष्पकमल दाहाल प्रचण्ड र यादवबीच भएको वार्तामा संविधान संशोधन गरिने सहमति भएको छ । यसलाई लिखित रूप दिएपछि फोरम सरकारलाई समर्थन गर्दै सहभागी हुने भएको छ । फोरमको समर्थनले सरकार दुई तिहाई बहुमतको हुनेछ ।
प्रधानमन्त्री ओलीले फोरमलाई एक उपप्रधानसहित परराष्ट्र मन्त्रालय, एक मन्त्री र एक राज्यमन्त्री दिनेछन् । ‘लगभग सहमति भएको छ । फोरम सरकारमा आउने पक्का छ ।’, स्रोतले भन्यो । सरकारमा उपप्रधानसहित परराष्ट्रमन्त्रीको जिम्मेबारी यादवले लिनेछन् । यो जनप्रहार साप्ताहिकमा खबर छ ।
