काठमाडौँ – विना घुस रकम सेवाग्राहीको काम नगर्ने एक कर्मचारी अख्तियारको फन्दामा परेका छन् ।
अख्तियार दुरुपयोग अनुसन्धान आयोगले सिरहा कल्याणपुर नगरपालिकाका लेखापाल जयराम चौधरीलाई २० हजार घुस रकम पक्राउ गरेको हो ।
अख्तियारका अनुसार चौधरीले सामान मर्मतलगायत बिल भुक्तानी गरिदिएबापत सेवाग्राहीसँग घुस रकम लिएका हुन् । उनले घुस रकम नदिएसम्म काम नगरेर सेवाग्राहीलाई हैरान पारेका थिए । सेवाग्राहीबाट लिएको घुस रकमसहित अख्तियारले चौधरीलाई डेराबाटै पक्राउ गरेको हो ।
