सेञ्चुरी कमर्सियल बैंक लिमिटेडको सातौं वार्षिक साधारण सभा बैंकका अध्यक्ष श्री राजेश कुमार श्रेष्ठको अध्यक्षतामा बुधबार आर्मी अफिसर्स क्लब, भद्रकालीमा सम्पन्न भएको छ । साधारण सभाले शेयरधनीहरुलाई हाल कायम रहेको चुक्ता पूंजीको ५% बराबरको बोनस शेयर वितरण गर्ने र ५% नगद लाभांश वितरण गर्ने प्रस्ताव पारित गरेको छ । यो बोनस शेयर जारी पश्चात् बैंकको चुक्ता पूंजी ८ अर्ब ६ करोड पुगेको छ ।
आ.व. २०७४/७५ को पुस मसान्त सम्म यस बैंकले कुल निक्षेप रु. ५२.१७ अर्व र कर्जा रकम रु. ४७.०२ अर्व परिचालन गरी रु. ३९.२७ करोड सञ्चालन मुनाफा र रु. ३२.५१ करोड खुद मुनाफा आर्जन गर्न सफल भएको छ । बैंकले काठमाडौं उपत्यकामा ११ शाखाहरु र ५ वटा एक्स्टेन्सन काउन्टर र उपत्यका बाहिर ८२ शाखाहरु र ३ वटा एक्स्टेन्सन काउन्टर साथै १० वटा शाखारहित बैंकिङ्ग गरी जम्मा १११ स्थानबाट कारोबार सञ्चालन गरिरहेको छ ।
अन्य जानकारीका लागी बैंकको वेबसाइट www.centurybank.com.np तथा बैंकका शाखा कार्यालयहरुमा सम्पर्क राख्न अनुरोध गरिन्छ ।
