काठमाडौं – नेकपा माओवादी केन्द्रले नेता कृष्णबहादुर महरालाई सभामुखको उम्मेदवार बनाउने निर्णय गरेको छ । अाफ्नो भागमा परेको सभामुखबारे निर्णय गर्न शुक्रबार बिहान बसेको कार्यालय बैठकले सो निर्णय गरेकोहो ।

सभामुख बन्‍ने अपेक्षा ओनसरी घर्तीले पनि राखेकी थिइन‍् । त्यसको लागि नेता वर्षमान पुनले निकै लविङ गर्दै अाएका थिए । उनी मन्‍त्रीको लिष्टमा पनि भएको कारण विगतमा जस्तो पुनको लविङले काम गरेन ।

पहिला प्रतिनिधि सभाको सभामुख माकेलाई दिने सहमति गरेको नेकपा एमालेले पनि सभामुख पार्टीले नै राख्ने र नेता सुवासचन्द्र नेम्वाङलाई अगाडि सार्ने तयारी लविङ पनि गरेको थियो । एमालेले माकेलाई राष्ट्रिय सभा अध्यक्ष दिने बताएपनि माकेले मानेको थिएन ।

अब माके नेता महरा सभामुख बन्‍ने पक्का भएको छ । दुबै पार्टीका साँझा उम्मेदवार भएका कारण जित्‍ने निश्चित छ ।