काठमाडौं – मञ्जुश्री फाइनान्सको ५% हकप्रद सेयर बिहिबारदेखि बिक्री खुला भएको छ । यो फाइनान्सले १००ः५ अनुपातमा ३ लाख ६२ हजार १९० कित्ता हकप्रद सेयर बिक्रीमा ल्याएको हो । हकप्रद भर्ने अन्तिम म्याद भने वैशाख १२ गते तोकिएको छ । हाल मञ्जुश्रीको चुक्ता पुँजी ७२ करोड ४३ लाख ७९ हजार रुपैयाँ रहेको छ । हकप्रद बिक्री गरिसकेपछि चुक्ता पुँजी ७६ करोड ५ लाख ९७ हजार ९५० रुपैयाँ पुग्नेछ ।

बिक्री प्रबन्धक एनआइबीएल एस क्यापिटल लिमिटेड लाजिम्पाट काठमाडौं र यसका शाखा कार्यालयहरुबाट सेयर भर्न पाइनेछ । यसैगरी, मञ्जुश्री फाइनान्सको नयाँ बानेश्वर काठमाडौंसहित अधिकांश शाखा कार्यालयबाट पनि आवेदन दिन सकिनेछ । आस्वा प्रणालीमा सहभागी विभिन्न बैंक तथा वित्तिय संस्थाबाट पनि सेयर भर्न मिल्नेछ ।