काठमाडौं – बैशाख ७ गते नागरिक लगानी कोषको २२ औं वार्षिक साधारण सभा हुने भएको छ । सभामा कोषले २२% बोनस सेयर वितरण गर्ने प्रस्ताव लैजानेछ भने त्यसका साथ कर तिर्न १.१५% नगद लाभांश दिने एप्रस्ताव पेस गर्ने भएका छन् । नागरिक लगानी कोषले बोनसमा १६ करोड २८ लाख ५८ हजार २७२ रुपैयाँ र नगद लाभांश बापत ८५ लाख ७१ हजार ४८८ रुपैयाँ खर्च गर्नेछ । 

साधारण सभा नेपाल प्रज्ञा प्रतिष्ठान कमलादी, काठमाडौंमा दिउँसो २ बजेबाट सुरु हुनेछ । आर्थिक वर्ष २०७२–७३ को वार्षिक प्रतिवेदन र सोही वर्षको नाफा, नोक्सान सहितका हिसाब किताबको प्रतिवेदन पनि पेश गरिनेछ । साधारण सभा गर्न कोषले चैत २२ देखि बैशाख ७ गतेसम्म बुक क्लोज गर्नेछ । चैत २१ गतेसम्म कायम सेयरधनीले लाभांश पाउनेछन् । हाल नागरिक लगानी कोषको सेयर पुँजी ७४ करोड ३ लाख रुपैयाँ छ ।