काठमाडौँ  – प्रधानमन्त्री केपी शर्मा ओलीले आज सातै प्रदेशका मूख्यमन्त्रीसँग छलफल गर्ने छन् ।

मूख्यमन्त्री, प्रदेश प्रमुख र प्रमुख सचिवलाई छलफल गर्न र प्रदेश सरकार सञ्चालनमा उत्पन्न भएका समस्या, पूर्वाधार विकासको अवस्थालगायतका विषयमा जानकारी लिनको लागि उनीहरुलाई काठमाडौँ बोलाइएको हो ।

ऐन कानून र कर्मचारीसमेत नपाएर हैरानी ब्यहोरिरहेका मूख्य मन्त्रीहरुले आफ्ना समस्या राख्ने, खटाएका कर्मचारी काममा नजाँदा प्रदेश सञ्चानमा भएको कठीनाईको विषयमा छलफल गर्न सरोकारवाला मन्त्रालयका पदाधिकारीसमेतलाई बोलाइएको छ ।

प्रदेश सरकारले बनाउनु पर्ने कानूनबारे उत्पन्न अन्यौलको समाधान पनि छलफलबाट खोजिने छ । पहिलो पटक संघीय अभ्यासमा मुलुक गएकाले प्रदेश सरकारहरु आफैं सञ्चालन हुन समय लाग्ने केन्द्र सरकारको बुझाई रहेको बताइएको छ ।

तत्कालका लागि केन्द्रबाटै प्रदेश सरकारका लागि नमूना कानुन बनाएर पठाउनेदेखि, प्रदेशसभाबाट कानुन बनाउन सहजीकरणका लागि उनीहरुसँगको छफलमा सरकार जुतेको हो