काठमाडौं – शिवम् सिमेन्टसको साधारण शेयर निष्कासनको अनुमतिका लागि नियामक निकाय धितोपत्र बोर्डमा आवेदन दिएको छ । कम्पनीले १०० रुपैयाँ अंकित मूल्यमा ५२ करोड ८० लाख रुपैयाँ बराबरको शेयर जारी गर्ने भएको हो ।

कम्पनीको पुस २५ गते बसेको दोस्रो वार्षिक साधारणसभाले शेयर निष्कासन गर्ने निर्णय गरेको थियो । कम्पनीले स्थानीयका लागि जारी पूँजीको २ प्रतिशत अर्थात ८ लाख ८० हजार कित्ता र आम सर्वसाधारणका लागि १० प्रतिशत अर्थात ४४ लाख कित्ता गरी कुल ५२ लाख ८० हजार कित्ता शेयर निष्कासन गर्ने भएको हो ।

गतवर्ष धितोपत्र बोर्डले उत्पादनमुलकलगायत अन्य क्षेत्रले न्युनतम १० प्रतिशत शेयर सर्वसाधारणलाई निष्कासन गर्न पाउने व्यवस्था गरेको थियो ।