">
- अर्थ सरोकार सम्बाददाता
काठमाडौं – चैत ८ गतेदेखि श्री इन्भेष्टमेन्ट एन्ड फाइनान्स कम्पनीले ३ लाख ४४ हजार ३७३.६२ कित्ता सेयर लिलामी बिक्री खुला गर्ने भएको छ । कम्पनीले संस्थापक समूहको २ लाख ७७ हजार ९९६.५३ कित्ता र सर्वसाधारण समूहको ६६ हजार ३७७.०९ कित्ता कुल गरि ३ लाख ४४ हजार ३७३.६२ सेयर लिलामीमा बिक्री गर्न लागिएको हो । १ सय रुपैयाँलाई आधार विन्दु मानेर लिलामी भर्नुपर्ने हुन्छ ।
बिक्री प्रबन्धक सिद्धार्थ क्यापिटल लिमिटेड, नारायणचौर, नक्साल काठमाडौं तथा श्री इन्भेष्टमेन्ट फाइनान्सको केन्द्रीय कार्यालय डिल्लीबजार काठमाडौं र विराटनगर, भैरहवा शाखाबाट पनि आवेदन दिन सकिनेछ । त्यसैगरी, सिद्धार्थ बैंकको वीरगञ्ज, विराटनगर, बुटवल, पोखरा, सुर्खेत, नेपालगञ्ज र धनगढी शाखाबाट भर्न मिल्नेछ ।
आवेदन दिने अन्तिम म्याद चैत १६ गतेसम्म छ । हाल यस फाइनान्सको चुक्ता पुँजी ३४ करोड ५४ लाख ४८ हजार रुपैयाँ छ । लिलामी सेयर बिक्रीपछि चुक्ता पुँजी ६३ करोड २१ लाख ७१ हजार ४३२ रुपैयाँ हुनेछ । चालु आर्थिक वर्षको दोस्रो त्रैमासमा श्री इन्भेष्टमेन्टले ३ करोड ४८ लाख २४ हजार रुपैयाँ खुद नाफा कमाएको छ । प्रतिसेयर आम्दानी २० रुपैयाँ ११ पैसा रहेको यस कम्पनीको प्रतिसेयर नेटवर्थ १९९ रुपैयाँ २६ पैसा छ ।
