काठमाडौं – सूर्योदय लघुवित्त वित्तीय संस्थाको ७०% हकप्रद सेयर शुक्रबारदेखि बिक्री खुला भएको छ । सूर्योदयले १ः०.७ अनुपातमा २ लाख ८० हजार कित्ता हकप्रद सेयर बिक्री गर्न लागेको हो । १०० रुपैयाँ दरको यो हकप्रदमा सेयरधनीले चैत २९ गतेसम्म आवेदन दिन सकिने छ ।

यसमा बिक्री प्रबन्धकको काम ग्लोबल आइएमई क्यापिटलले गर्दैछ । ग्लोबल आइएमई क्यापिटल राष्ट्रिय नाचघर, काठमाडौं तथा सूर्योदयको रजिष्टर्ड कार्यालय स्याङ्जालगायत पर्वत, गुल्मी, लमजुङ र प्युठान शाखा कार्यालयबाट पनि आवेदन दिन सक्नेछन्न् । यसैगरी, आस्वा सदस्य बैंक तथा वित्तीय संस्थाबाट पनि आवेदन दिन पाइनेछ ।