काठमाडौं – नागरिक लगानी कोषको साधारण सभा शुक्रबार (वैशाख ७ गते)  हुँदैछ । सभा नेपाल प्रज्ञा प्रतिष्ठान कमलादी, काठमाडौंमा दिउँसो २ बजे सुरु हुँदैछ । कोषले २२% बोनस सेयर वितरण गर्ने प्रस्ताव सभामा लैजानेछ । त्यस्तै, कर तिर्न १.१५% नगद लाभांश दिने पनि सभाको एजेन्डा छ ।

नागरिक लगानी कोषले बोनसमा १६ करोड २८ लाख ५८ हजार २७२ रुपैयाँ र नगद लाभांश वापत ८५ लाख ७१ हजार ४८८ रुपैयाँ खर्च गर्नेछ । आर्थिक वर्ष २०७२–७३ को वार्षिक प्रतिवेदन र सोही वर्षको नाफा, नोक्सान सहितका हिसाबकिताबको प्रतिवेदन पनि सभामा पेश गरिनेछ ।